成記茶寮

營業中

休息中

今日好肚餓，好想食肉，路經成記，一路都只聞其聲，大熱天時都唔理啦，入黎試試啦。時間可能比較晏，同天氣比較熱，人數唔多。一場黎到當然要試招牌菜，豬排雞球飯。上菜好快，呢頭講完仲想拎個電話出黎玩，野食已經黎到。一睇，不得了，塊豬扒大到睇唔到下邊啲飯，再睇下個汁，好濃嘅豉油香，好杰，撈飯真係冇得輸。個雞球就睇唔出有咩特別，淨係睇到佢無骨，不過咬落你就知，啲雞肉好滑，外皮又脆又多醬油味。個汁好杰同偏甜，自家製出面食唔到呢個味道。塊豬扒，半肥瘦，煎完出黎仲好林，唔會柴哂。好食到，熱少少都抵。