影片
更多
2023-12-17
121 瀏覽
📍🇭🇰 吉列牛忌廉烏冬專門店 Kobekyu.旺角一直係美食大熔爐，旺角道天橋旁邊嘅彌敦道726號係一座銀座式食肆大廈。是日又點指冰冰去呢座大廈17樓，點解係17樓，因為有人17號生日。.呢間係韓式餐廳，打開menu，選擇唔算太多，不過有個吉列牛set幾吸引，再睇睇有一個特別嘅烏冬同一個特別嘅拉麵，就咁嗌啦。.📌 吉列牛定食+忌廉咖喱烏冬配兩罐汽水 {HK$256}📌 香辣忌廉雞肉炒麵 {HK$88}.首先嚟嘅係一碟白色物體，呢碟叫忌廉咖喱烏冬。先撈勻食一啖，ichiban！忌廉同咖喱呢個配搭啱啱好，加埋入晒味嘅烏冬，絕對係冇得彈！誇張咁講，淨係呢碟烏冬已經值回票價。.跟住嚟嘅係吉列牛，呢碟牛嘅重點係醬料，有黑松露配牛油，又有芥辣配沙律醬同埋醬油。配料就有豆腐，車厘茄，再加一碗白飯同埋味噌湯。時間關係牛燒好晒，跟住點醬，呀，吉列牛配黑松露牛油好正呀！呢個真係重點推介。由於黑松露牛油太出色，其他醬料就唔介紹喇。牛本身嫩滑，但係份量再多少少就更好。👍🏻👍🏻👍🏻😋🤤
.
旺角一直係美食大熔爐，旺角道天橋旁邊嘅彌敦道726號係一座銀座式食肆大廈。是日又點指冰冰去呢座大廈17樓，點解係17樓，因為有人17號生日。
.
呢間係韓式餐廳，打開menu，選擇唔算太多，不過有個吉列牛set幾吸引，再睇睇有一個特別嘅烏冬同一個特別嘅拉麵，就咁嗌啦。
.
📌 吉列牛定食+忌廉咖喱烏冬配兩罐汽水 {HK$256}
📌 香辣忌廉雞肉炒麵 {HK$88}
.
首先嚟嘅係一碟白色物體，呢碟叫忌廉咖喱烏冬。先撈勻食一啖，ichiban！忌廉同咖喱呢個配搭啱啱好，加埋入晒味嘅烏冬，絕對係冇得彈！誇張咁講，淨係呢碟烏冬已經值回票價。
.
跟住嚟嘅係吉列牛，呢碟牛嘅重點係醬料，有黑松露配牛油，又有芥辣配沙律醬同埋醬油。配料就有豆腐，車厘茄，再加一碗白飯同埋味噌湯。時間關係牛燒好晒，跟住點醬，呀，吉列牛配黑松露牛油好正呀！呢個真係重點推介。由於黑松露牛油太出色，其他醬料就唔介紹喇。牛本身嫩滑，但係份量再多少少就更好。
👍🏻👍🏻👍🏻😋🤤
張貼
