茶痴 (文咸東街)

營業中

休息中

每次行過呢間台式手搖茶店，我都會八卦有咩新嘢飲。今次路過上環分店，小白木屋的設計，𥚃面暖木系，比較骨子，足夠空間俾一個食客行入去點餐。我見到餐牌上有季節限定的雲石鮮奶茶系列 — 紫色的烤地瓜和蜜芋頭，好吸引💛💜🍠 台灣烤地瓜(紫)蜜芋頭鮮奶烏龍茶 (HK$42)． 紫色雲石紋是用紫地瓜泥壓上杯邊，出嚟嘅效果真係好靚、好吸睛😍． 飲到杯底有厚滑綿密的手工蜜芋頭，配搭鮮奶和烏龍茶，微甜奶滑帶有淡淡茶香． 最後，建議打開蓋食埋啲紫地瓜泥，烤焗過的口感香滑、感覺健康又飽肚，似乎呢一杯可以當正餐喎！📌提提你：唔想親手攞住杯凍飲整濕隻手，建議俾$2買條環保手抽帶，仲可以重用！