井茶

營業中

休息中

一向都有幫襯開，認真佢D野食大部份都很不錯。一般既茶記餐食得過，炒蛋好味，檸茶好飲，小菜食過肉餅同炒菜都幾好。因為呢排本人食素，就叫左碟炸豆腐，諗住食炸野過下口癮，點知就出事。睇個賣相就知伏已中，睇落一D都唔開胃。放入口，完全冇味，唔講以為食緊豆乾。不過仲衰，豆乾都有口感呀，佢D炸豆腐完全不知所謂，都唔知係咪食緊豆腐，好似食緊一D不知名既炸物。一句講曬，佢呢樣炸豆腐完‧全‧不‧合‧格!!!!!! 係失望既，我都明一間餐廳冇可能樣樣食物都好味，但我都只係要求合格食得落口就得。但呢碟小菜係冇可能食得落，完全失敗。