牧羊少年咖啡館 (Fashion Walk)

營業中

休息中

一直都聽過呢間文青cafe，但作為港島人真係懶得漂洋過海去試😂 直到有一日見到log on下面開左間牧羊分店，咁就得閒去試試🤗最後端午節去左食lunch，1點幾要等位，10分鐘左右已經有位，門口有哂menu比你揀住等👍用餐限時90分鐘，但係男友望到餐廳個system有啲枱ot左10分鐘以上，姐係話其實都唔會一夠鐘就催你走，食客覺得好，等位就唔多好🤣叫左牛油果香芒烤雞沙律, 泰式香椒膏蝦意粉, 小食拼盤。 個沙律好有驚喜，賣相靚之餘仲大大碟唔孤寒，一個人會食死🤣 Menu圖片唔係只供參考🤣而意粉相對失色，係有泰式嘅味道，但係完全冇辣味(我已經唔係食好辣嘅人)，同佢個名有出入，失色左少少......而蝦係有4隻，比起出面啲cafe係慷慨嘅，蝦肉都爽口👍仲有個小食拼盤冇影相，全部都係炸野相當熱氣，又係大大碟唔只兩人份，男朋友堅持要叫黎食😑 我地張枱唔大，侍應都冇幫我地執一執啲位置就夾硬攝個拼盤過黎，係呢點有少少唔滿意。