影片
更多
2011-12-20
36 瀏覽
是日同朋友落到銅鑼灣好肚餓果時都成12點~所以打算搵間24小時既餐廳食飯之前食過幾次荃灣果間燉奶佬,味道不錯,所以諗住食銅鑼灣呢間...點知...竟然可以咁大分別,今餐真係食得好唔開心:'(早知去食第2間!!先講下d野食啦...d野食真係麻麻地..比起之前食開果間分店都有一段距離...滑蛋雞扒帶子飯+中湯---$42 大家可能會問...帶子呢??大家無睇錯~係無帶子既,變左蝦毛!!轉左蝦毛飯又唔出聲!!而且D汁真係好淡味...好難送飯丫...朋友叫果個天使面都係~個汁好淡味.....之後講全晚食得最唔開心既原因:呢間服務真係好唔得。去到等左一陣好快有位位就坐好了,但係前客人食完野既餐具、食物完全冇人執...由諗梗食咩到決定,差唔多有成6、7分鐘,都冇人黎執過...朋友終於出聲叫待應執枱...結果換來一句:「OK」就算數...再等...5分鐘...仍然冇人黎執朋友再出聲,又一句「等陣」...又5分鐘.....又係冇人執....最後見到個女待應經過.朋友叫住佢...佢執左兩碟入廚房...之後再無返過黎再執.....於是D"殘餘物支"係我地面前放左好耐都冇人清....最最最後,落ordder
果時都成12點~所以打算搵間24小時既餐廳食飯
之前食過幾次荃灣果間燉奶佬,味道不錯,
所以諗住食銅鑼灣呢間...
點知...竟然可以咁大分別,今餐真係食得好唔開心:'(
早知去食第2間!!
先講下d野食啦...
d野食真係麻麻地..比起之前食開果間分店都有一段距離...
滑蛋雞扒帶子飯+中湯---$42
大家可能會問...帶子呢??大家無睇錯~係無帶子既,變左蝦毛!!
轉左蝦毛飯又唔出聲!!
而且D汁真係好淡味...好難送飯丫...
朋友叫果個天使面都係~
個汁好淡味.....
之後講全晚食得最唔開心既原因:
呢間服務真係好唔得。
去到等左一陣好快有位
位就坐好了,但係前客人食完野既餐具、食物完全冇人執...
由諗梗食咩到決定,差唔多有成6、7分鐘,都冇人黎執過...
朋友終於出聲叫待應執枱...
結果換來一句:「OK」就算數...再等...5分鐘...仍然冇人黎執
朋友再出聲,又一句「等陣」...又5分鐘.....又係冇人執....
最後見到個女待應經過.朋友叫住佢...佢執左兩碟入廚房...
之後再無返過黎再執.....
於是D"殘餘物支"係我地面前放左好耐都冇人清....
最最最後,落ordder果時再同待應生講麻煩清理一下枱面...
今次終於有人執啦="=
等左一陣,終於有得食啦!
好可惜既係...我點既帶子飯...一粒帶子都冇...轉左做蝦...
開頭以為佢比錯...問返待應...
待應一句:「係丫.無晒帶子.所以轉蝦比你」
我同朋友當場呆左...佢再補充一句:「唔好意思唔記得同你講、因為我太忙了!!」
我听完真係心底裡"興恰恰"...一句"太忙"就想了事
佢見我好似唔想要個set,再加一句「因為真係太忙!」
(雖然客人多,但待應都唔係得三、四個囉@@")
我又好肚餓.唔想再等,就算數要左佢...
講真...我係因為想食個帶子先叫呢個set囉!!
仲要餐具又唔比...用手指食咩
之後我個餐湯...竟然比左對面搭枱既男仔...
應該話,個傳菜待應就咁放低就算...咁岩就放左係第二個客面前
好彩個男仔醒目,問佢:「呢個咩黎?」
個待應仲大大聲咁答:「中湯囉」就走鬼左.....
我見個男仔呆左冇反應..就知道佢冇order過,先知個餐湯應該係比我....
所以話呢間d態度真係唔得呀!!
差唔多食完埋單.都見到d"好笑"野..
就係其中一位待應...佢比經理問話:「做咩咁大力放野!你發生咩事?」
待應執好d野,就黑面同經理講:「我而家好"興"囉!!」
我都好想講...呢餐我都食得好唔開心,好"興"囉...
真係唔會再有下次!
張貼
