薩莉亞意式餐廳 (新都城中心一期)

營業中

休息中

我好中意食意大利餐廳，今日又黎Tko食了，我特別中意黎呢間食，因為佢既野食好似會比其他分店大份啲，另外服務態度都非常好。其實係意大利餐廳真係可以用平民價位食到好多野，而且味道十分之好，一直無跌過！所以我次次都忍唔住叫勁多野食，今次兩個人都食左160蚊左右。甜蝦沙律係每次每叫，呢間分店俾既甜蝦同沙律醬既份量真係非常之多！另外，當然唔少得必叫既辣味雞翼啦！呢間分店既辣粉同樣落得好似重手d咁，好正！之後仲叫左雞肉多利亞、蒜香菠菜炒意粉、腸仔、煙三文魚、布甸同炸蝦，其實都相當唔錯，只係意粉略嫌炒得唔夠乾身，但一樣好香口。想用平價食西餐，推薦大家黎意大利餐廳。