金坊泰國美食

營業中

休息中

之前幫襯過荃灣路德圍同黃埔分店，嗰兩間都唔錯，呢間真係一般🫣一上到去感覺就好舊同唔太衛生咁🥲禮拜日下午嚟到，lunch menu 好多選擇，價錢合理👍⭐️鮮蝦金邊粉等咗25分鐘⋯⋯金邊粉味道OK，食落唔橡筋，份量正常，蝦肉彈牙但係完全冇味，反而啲雞蛋仲好食😅⭐️白灼時菜（芥蘭）等咗35分鐘⋯⋯正常冬天食芥蘭係好好食，但係佢呢碟有啲鞋口，唔太新鮮同好似好重草青味咁唔只我等得耐，我見隔籬周圍檯檯都喺度催單🤦🏻‍♀️應該係因為佢哋接左張好大嘅外賣定到會單，店員話廚房已經慢慢出緊堂食單，但係我希望餐廳可以確定有足夠人手同能力先接呢啲大單，如果唔係只會得失其他堂食嘅客人🫣