德國餐廳 (已搬遷) 新店位置

之前已經試過元朗分店，覺得水準都ok，今日朋友話黎試下屯門嗰間，我當然一口應承啦。Fruli Strawberry， 之前飲過一次一直無忘記過佢，今次係個 drink list 度見到簡直係喜出望外 ，不過但係點解上次喺元朗店好似唔多覺佢喺度既！？ 佢個士多啤梨味超級香，甜度亦啱啱好，作為餐前酒真係無得頂啊。煙三文魚凱撒沙律，沙律菜勁新鮮，又有小小洋蔥同埋芝士喺面，真係啱哂我，煙三文魚唔會太鹹，味道啱啱好，同啲菜夾住食就最啱 key 啦。墨西哥香蔥芝士薄餅，一上枱熱辣辣到仲有少少辣手㗎，芝士味勁濃，食得出唔止一隻芝士喺入面，熱辣辣令到啲芝士啱啱溶化，個 creamy 嘅感覺真係勁正。美式燒排骨，見到燒排骨燒到橙紅色，勁 juicy 已經令到人食指大動，一啖食落去，酸酸甜甜勁開胃，又有香烤既香味，啲肉又唔會整到好鞋，啱啱好容易切，真係想嗌多一份啊。估唔到屯門店仲比元朗店好食多啲， 以後黎屯門又多一個新蒲點啦。