陳記魚蛋 (已結業)

兩年前已經嫌棄左陳記魚蛋個特醬辣醬, 跟手diss埋佢魚蛋燒賣牛柏葉, 反正要加醬嘅野都唔想再試. 由於之前已經食左少少野, 唔想食正餐, 經過陳記買左魚肉碗仔翅, 諗住呢個唔駛加醬無事, 點知都係要出事😑呢碗野如果唔要埋魚肉根本就只係食馬蹄粉漿, 材料只有極少量木耳粉絲肉絲, 食嗰時係少到無乜存在感, 但有魚肉都唔係咩好事, 魚肉只係軟patptat無彈性嘅粉團. 雖然魚肉口感唔掂, 但又未至於令人嘔心, 一舊無味嘅野都入得口, 咱有加多啲紅醋一齊食, 成碗野就變左好似浄係食紅醋咁, 呢間野以後真係乜都唔駛再試......十八蚊碗價錢正常, 但質素太唔正常!魚肉白雪雪,  如同佢嘅味道一樣咁清白......