樂飛葉山區餐廳 (已結業)

話說要同女朋友補祝情人節，諗住試D有特色既野，所以揀左呢間野。而其實去之前亦有上呢個網睇，見到唔少劣評，但心諗自己未試過，都應該值得一試掛。點知......一入去，得一張檯有客，係成間餐廳喎！開始心知不妙。跟住侍應遞餐牌，女朋友一睇，見到兩個courses價錢$158，覺得都幾抵，點知侍應解釋兩個courses係指appetizer同main course，或者main course同dessert，佢直刻黑面，我就面都青埋。算！唔叫dinner set，可以叫芝士火鍋。跟餐送兩杯紅酒，諗住睇下有無得轉其他野飲，點知又無，搞到我地要飲兩杯似葡萄汁多過似酒既物體。好喇，到芝士火鍋上場，希望可以一洗頹風啦，又點知佢跟餐既肉煙薰完之後已經鹹到無倫，加埋個鹹到抽筋既芝士火鍋，簡直係味覺大轟炸。如果你同我講呢D係法國山區特色，咁我會同你講如果我有機會去法國山區，我一定唔食芝士火鍋。所以，我覺得呢間野真係就摺得。