盛記粥麵

營業中

休息中

聽人講話呢間雲吞麵好食， 今次我喺專登過嚟試吓有幾好。 餐牌上食物選擇都幾多， 叫咗雲吞麵， 豬肉丸粥各一碗試試。話咁快雲吞麵送到面前，已聞到好香嘅.湯底味道。夾起麵條時會聞到少許鹼水味， 但食到入口又出奇唔覺有鹼水味， 麵質幼細爽脆。 湯底夠清，非常鮮甜，飲晒成碗湯， 完全唔會口乾。至於雲吞餡料味道濃郁， 有大地魚濃香味， 蝦肉量多爽口， 雲吞嘅大細適中。 呢碗雲吞麵有功架， 真材實料， 色香味都出色。至於碗豬肉丸粥， 呢度嘅粥底較杰身，粥底煲得唔太綿滑。 肉丸食得出是手握， 味道質感是可以。個人認為呢度嘅粥對比起雲吞麵來講會較為失色。