亞里斯餐廳 (已結業)

我成日都去亞里斯食下午茶，係間唔錯既餐廳，不過人手少又成日換新waiters，所以服務有點亂。如果你兩個人上去吃下午茶，就算人多，有卡位佢都會比卡位你，唔會話要留比三、四位既人，呢樣野幾好。不過好多都係唔熟手既waiter，你叫少冰照比多冰你成日都有。食物便宜，下午茶$24有焗飯而且凍飲唔加＄（真係夏天首選）。食物質素尚可，皇牌焗豬扒飯已經無初出時咁好食，焗班腩飯同咖喱焗牛腩就幾好食。乾炒牛河唔係咁好食，油唔夠好、星州炒米ok但少了點。這裡的白飯有點硬，而扒飯汁少，所以很少吃扒飯、炸雞脾薯條以前好好食架，不過最近一次叫，已經改了製法，“炸”經已名存實亡，雞脾表面是燈色，不是炸的，有點像煎的，好難吃。。。