影片
更多
2023-05-30
206 瀏覽
早前喺社交平台見到有KOL 媽咪分享呢間餐廳，見到大家分享嘅照片，小朋友大大小小都可以接觸貓貓，感覺好親切，所以今晚就同朋友帶埋小朋友一齊去食。我哋有一個四歲半，一個三歲半同一個兩歲。訂位嘅時候亦都見到餐廳係容許0至12歲嘅小朋友。但去到之後簡直係一個惡夢，咁大個人都未試過去一間餐廳食得咁唔開心。首先入到門口員工要求我哋着鞋套，其實我哋嘅小朋友都算聽話，跟足指示。小朋友入到去亦都冇特別大聲，小朋友有一啲正常反應都唔容許，話佢哋嘅反應會嚇親貓仔。我哋嘅小朋友對貓貓都好溫柔，只係輕輕摸下同埋睇吓，貓貓喺地下佢哋好自然就坐喺度睇，員工就走過來話唔俾佢哋坐地下。我哋入到餐廳亦都冇人招呼，見到我哋有小朋友亦都冇特別安排BB凳，見到佢有一排座位，我小朋友着住襪企喺度食其實都OK嘅，衛生嘅，所以我哋都冇特別問攞BB凳，點知個員工又走過來話唔俾我個仔企起身，小朋友只得兩歲多，員工用指令式嘅態度制止我小朋友企喺度、坐喺度、同用正常嘅聲線講嘢。當然會令小朋友反感，小朋友認為自己受到威脅就向員工嗌咗一聲，之後佢又話佢咁樣會嚇親啲貓仔。其實會唔會係你嚇親我小朋友先令佢有呢個反應呢？唔想討論邊個啱邊個錯，我哋亦
訂位嘅時候亦都見到餐廳係容許0至12歲嘅小朋友。但去到之後簡直係一個惡夢，咁大個人都未試過去一間餐廳食得咁唔開心。
首先入到門口員工要求我哋着鞋套，其實我哋嘅小朋友都算聽話，跟足指示。小朋友入到去亦都冇特別大聲，小朋友有一啲正常反應都唔容許，話佢哋嘅反應會嚇親貓仔。我哋嘅小朋友對貓貓都好溫柔，只係輕輕摸下同埋睇吓，貓貓喺地下佢哋好自然就坐喺度睇，員工就走過來話唔俾佢哋坐地下。
我哋入到餐廳亦都冇人招呼，見到我哋有小朋友亦都冇特別安排BB凳，見到佢有一排座位，我小朋友着住襪企喺度食其實都OK嘅，衛生嘅，所以我哋都冇特別問攞BB凳，點知個員工又走過來話唔俾我個仔企起身，小朋友只得兩歲多，員工用指令式嘅態度制止我小朋友企喺度、坐喺度、同用正常嘅聲線講嘢。當然會令小朋友反感，小朋友認為自己受到威脅就向員工嗌咗一聲，之後佢又話佢咁樣會嚇親啲貓仔。其實會唔會係你嚇親我小朋友先令佢有呢個反應呢？
唔想討論邊個啱邊個錯，我哋亦唔係由得小朋友亂嚟嘅家長。喺我哋教緊小朋友嘅時候，員工不停走過來話佢哋，小朋友有反叛嘅行為都好理解，本來都好好地，最尾搞到成餐飯，大家都食得唔開心。
好似成餐飯企喺度又唔得，坐喺度又唔得，難道真係要好端莊咁樣望住隻貓？我哋嘅小朋友雖然年紀細，但係已經算好乖，起碼教咗佢哋唔可以大力摸貓貓、手上面有食物唔可以觸碰貓貓，對貓貓要溫柔。。。佢哋都聽講。貓貓有時突然間跑走，又或者喺度打交，小朋友有反應其實好正常，自然嘅反應，其實身邊嘅客人都冇被騷擾，難道一兩秒都包容唔到？小朋友只係講一句：媽咪嗰兩隻貓貓喺度打交呀！
講一句都唔可以，講一句就已經俾人叫停。成餐飯我都理解唔到。
總之食得好唔開心，員工對其他客人亦都冇特別招待，淨係不停喺度機械式收碗碟、落餐，冇笑容，冇招呼，冇禮貌，一係就成班企埋一邊傾偈，完全感受唔到網上邊所講嘅有質素。
食物質素真係普通到冇得再普通，最基本嘅carbonara都可以煮到一劈水，完全唔知食緊啲乜嘢。所謂嘅手工pizza，我真係食唔出， 我以為係冰鮮pizza，馬莎嗰啲仲好食。
成餐飯都唔知食咗啲乜，得杯凍檸水要正常。
小動物餐廳裏面冇洗手盆提供比客人洗手，濕紙巾都冇一張。好在我哋係媽咪永遠都有乾濕紙巾喺身，小朋友對手確保一定係乾淨先接觸啲貓貓。但眼見其他客人食食吓嘢就 摸吓啲貓仔，最基本嘅衛生保護我都唔係好察覺。
對唔住，真係推介唔到。
張貼