Lawry's The Prime Rib (已搬遷) 新店位置

我去呢間餐廳覺得幾好笑：1 ) 侍應制服：女侍應的衣著好似卡通版護士，計我話著去玩cosplay都唔失禮。切薄切的廚師個個都好後生，但係頂廚師帽勁高，心口又戴個大金牌。2 ) 表演項目一流：我地三個人先到，被編排坐U形梳化，帶位姐姐會單手將成張飯枱拉出U形梳化外讓我們走入去坐，然後又單手將張飯枱推返入去，話晒都係張實木枱...真係辛苦晒。到食沙律個陣著到成個護士咁的侍應又會係你面前用一個冰鎮的鐵兜將dressing伴入沙律，又係一個幾好睇的表演。3 ) 但係講到食物方面就麻麻地，唔係真係咁好食。食California Cut都已經幾大份。唔好以為食Roast beef要食raw, 要有燒的味道至少叫Medium,塊牛肉亦幾多筋，如果raw就好難切。塊牛的確係無乜牛味，口感不太好。