米線陣 (海富中心)

營業中

休息中

箍牙妹因為好多時都食唔到野，所以好多時都選擇食粉麵，米線陣分店多，習慣左佢個模式，當然見到都會繼續幫襯，但發現每間分店嘅價錢同質素原來都有好大出入，金鐘雖然貴啲，但係可以繼續幫襯嘅一間。因為整完牙，都驚開始食唔到野，無謂獻醜，所以選擇買外賣，外賣係會湯同米線分開，令到米線同食材保持質感，唔怕買到返去浸到淋哂，係一間用心嘅餐廳，但當然無咁環保啦，而家對箍牙妹黎講，浸嘅時間無咁耐，食落當然勁有咬口啦，好彩都食到。湯底我揀左麻辣蕃茄湯，我覺得呢個湯好正，小小麻，多蕃茄蓉，兩種味道配合得恰到好處，食落零舍醒神，而且食到真正蕃茄，感覺又健康左。配料今次我選擇了竹笙同香酥豬頸肉，竹笙無咩特別，豬頸肉就調味唔錯，而家切得比較幼身，箍牙妹都仲食到。。。比起其他食店嘅薄片豬頸肉，我居然食唔到😭，所以呢個豬頸肉係箍牙妹箍牙兩年以來第一次咬到嘅豬頸肉。另外，因為箍牙妹已經成為會員，每次出示會員證都有減$5優惠。