影片
更多
2011-09-25
12 瀏覽
無寫食評好耐多得呢間堅野，令我重燃寫食評既決心！平時食拉麵，唔係一平安、達磨、就係山頭火豪豪地可以食MIST一直都對888呢個名無乜好感......見咁多人話佢好食，都諗住搵人試試今日同老婆喺銅鑼灣諗唔倒食乜，決定一試去到門口睇睇個名，sanbachi......好地地做乜要叫888？？算啦，人地改名有人地自由六點幾，無乜人等位，正常啦～～無諗咁多，去馬睇睇個menu，不過不失啦，約＄60一個拉麵有北海道出名既牛油拉麵兩口子叫左一個盬味牛油粟米拉麵，一個豉油味叉燒拉麵加多隻“鹵水蛋”係囉....有乜理由個名叫鹵水蛋既呢！！？？都係果句，人地鍾意改乜名係佢既自由，好食就算兩個麵一齊黎睇睇小弟個豉油味先～之前聽倒隔離枱落單想走葱，點知個侍應問返佢洗唔洗走埋洋葱心諗......洋葱！？ 唔係掛.......見間野又話自己日本黎，唯有信佢啦招牌動作～先試一口熱湯天呀！！ 唔夠熱都夠膽死！味道呢，唔知點解異常既甜相信係洋葱同蒜蓉味搞鬼，無錯呀，係蒜蓉味呀試左放喺隔離比客人用既蒜蓉，係一個味道極似李X記蒜蓉既物體日本常用既，應該係生蒜泥，唔係港式李X記囉靈魂已經死左，試埋個麵麵質唔錯，典型既北海道
多得呢間堅野，令我重燃寫食評既決心！
平時食拉麵，唔係一平安、達磨、就係山頭火
豪豪地可以食MIST
一直都對888呢個名無乜好感......
見咁多人話佢好食，都諗住搵人試試
今日同老婆喺銅鑼灣諗唔倒食乜，決定一試
去到門口睇睇個名，sanbachi......好地地做乜要叫888？？
算啦，人地改名有人地自由
六點幾，無乜人等位，正常啦～～
無諗咁多，去馬
睇睇個menu，不過不失啦，約＄60一個拉麵
有北海道出名既牛油拉麵
兩口子叫左一個盬味牛油粟米拉麵，一個豉油味叉燒拉麵加多隻“鹵水蛋”
係囉....有乜理由個名叫鹵水蛋既呢！！？？
都係果句，人地鍾意改乜名係佢既自由，好食就算
兩個麵一齊黎
睇睇小弟個豉油味先～
之前聽倒隔離枱落單想走葱，點知個侍應問返佢洗唔洗走埋洋葱
心諗......洋葱！？ 唔係掛.......見間野又話自己日本黎，唯有信佢啦
招牌動作～先試一口熱湯
天呀！！ 唔夠熱都夠膽死！
味道呢，唔知點解異常既甜
相信係洋葱同蒜蓉味搞鬼，無錯呀，係蒜蓉味呀
試左放喺隔離比客人用既蒜蓉，係一個味道極似李X記蒜蓉既物體
日本常用既，應該係生蒜泥，唔係港式李X記囉
靈魂已經死左，試埋個麵
麵質唔錯，典型既北海道式拉麵，即係好似公仔麵咁灣灣曲曲果D而又彈牙
有麵香，估計係用返日本貨
主菜，叉燒
正宗到非常～～正宗本地叉燒！！
小弟真係第一次見日本拉麵既叉燒係有紅邊
正宗日式叉燒係應該用五花腩卷埋，用自家醬油浸煮出黎
而佢....似係一大塊梅頭肉，用中式叉燒制法
果片叉燒又係甜既....梗係啦，廣東叉燒喎
講真.....是但搵間茶記既叉燒湯意果D叉燒都好食過佢果D
再睇配菜，長葱幾好，筍都幾好
再試隻蛋
個樣幾靚～都做倒少少糖心～
只係近邊既黄熟左少少，可接受
一入口........好彩小弟好杯中物
果陣味醂味勁到呢.....係勁到苦果隻
我都唔明，呢D野日日都係咁做，無可能會搞錯
我老婆就唔係咁頂得順隻蛋啦
另一個主角：牛油粟米拉麵
仲記得喺日本食既，正到不行！
連牛油味杯麵都正到不行！！
點知呢度......咁鬼大舊牛油
但個湯都可以無手油味
人地牛油拉麵，應該係有一陣香濃既奶香咁
點知佢真係一D都無，真係其失望無比
山頭火果個好食一百倍！
真係好難有下次！
吃罷...一心要返屋企睇下呢間野既歴史同質素
啱啱睇完就動手寫呢個食評
日本係用豬柳去做叉燒，全瘦
叉燒用醬油制，個邊唔會係紅色既，應該係偏深啡色
睇圖，日本唔似有用洋葱去做
香港好鍾意引入外地既優質食肆黎香港
但香港人做生意往往唔識得尊重人地間野既風格，味道，質素
過往鼎泰豐就係一個好好既例子
是日點菜
盬味牛油粟米拉麵
豉油味叉燒拉麵
日式鹵水蛋
埋單：～＄140
張貼
