影片
更多
2022-12-08
487 瀏覽
2022.11.26 今日有想睇既戲所以黎到北角匯二期追尾班車，然後咁啱戲院下層就有拉麵店，就決定試哩間。我點左份白虎低温叉燒拉麵，以及特飲青檸梅子梳打。🍹🍹餐牌介紹用大量豚骨，小魚乾，貝柱及蔬菜大火煮10小時以上，🍲🍲🍲湯底一入口有濃厚雞骨湯味，後勁有豚骨的清甜，因為係濃湯，小魚乾及貝柱既味唔太出。🍜🍜🍜麵係中太麵，睇落去麵身好黃，但食落冇鹼水味，而且還算煙韌，彈性唔錯。🍥🍥🍥拉麵既配菜有半只味玉，薄既低温煮叉燒一塊，有少少青蔥及竹筍。味玉有少少爛左，味道鹹香剛好，蛋黃有少少流沙；叉燒係薄叉，約手掌大細，雖然冇腥味但有啲鞋口，肉質睇落去好似就散開咁。拉麵份量少，睇落麵量大約100克左右，適合胃口細既人及女士，不過對我黎講真係太少，本來配菜唔多，只係湯底比多左。😗🍹🍹特飲青檸梅子梳打既青檸用力篤都唔夠青檸味，梅子肉既酸味有少少，但梳打本身糖水既量我覺得多左啲，如果青檸既酸味多返少少我還覺得唔錯。🤔🤔店內裝修以灰藍黑為主，燈光足夠，店內大約500尺，中間麵擋位，有少量吧檯及方枱， 枱櫈以木材為主，只有少量櫈係梳化櫈，坐既位置有啲逼。😟用餐過程都聽到店員之間有公事以外既閒談，我唔討厭店員
今日有想睇既戲所以黎到北角匯二期追尾班車，
然後咁啱戲院下層就有拉麵店，就決定試哩間。
我點左份白虎低温叉燒拉麵，
以及特飲青檸梅子梳打。🍹🍹
餐牌介紹用大量豚骨，小魚乾，
貝柱及蔬菜大火煮10小時以上，
🍲🍲🍲湯底一入口有濃厚雞骨湯味，後勁有豚骨的清甜，因為係濃湯，小魚乾及貝柱既味唔太出。
🍜🍜🍜麵係中太麵，睇落去麵身好黃，
但食落冇鹼水味，而且還算煙韌，彈性唔錯。
🍥🍥🍥拉麵既配菜有半只味玉，薄既低温煮叉燒一塊，有少少青蔥及竹筍。
味玉有少少爛左，味道鹹香剛好，蛋黃有少少流沙；叉燒係薄叉，約手掌大細，雖然冇腥味但有啲鞋口，肉質睇落去好似就散開咁。
拉麵份量少，睇落麵量大約100克左右，適合胃口細既人及女士，不過對我黎講真係太少，本來配菜唔多，只係湯底比多左。😗
🍹🍹特飲青檸梅子梳打既青檸用力篤都唔夠青檸味，梅子肉既酸味有少少，但梳打本身糖水既量我覺得多左啲，如果青檸既酸味多返少少我還覺得唔錯。🤔🤔
店內裝修以灰藍黑為主，燈光足夠，店內大約500尺，中間麵擋位，有少量吧檯及方枱， 枱櫈以木材為主，只有少量櫈係梳化櫈，坐既位置有啲逼。😟
用餐過程都聽到店員之間有公事以外既閒談，我唔討厭店員間有閒談，我認為工作氣氛都好緊要。但起碼對客人既態度可以做好少少，拎食物放低係客人面前可以講聲“你好（阻阻你），你order既拉麵（或食物名）請慢用。”之類既服務用語，唔好放低野就走開，只有係埋單先敷衍講句多謝就算，啲點我覺得有啲失色。🤔🤔
價錢方面，我哩餐拉麵+特飲，連埋加一，
一共$121，我覺得還算可以。😶😶
張貼
