影片
更多
2021-01-19
455 瀏覽
今次去試食既拉麵店位置同個名好匹配，位置係深水埔西九龍中心7樓蘋果商場入面，真係唔知道正確位置都要揾下先見到。店面我記得好耐之前有見過，當時既裝修係非常簡單，只係用幾個簾遮住 ，而家就用木材既牆隔住。哩間店係入口側面有食券機買食券，該店係以沾麵為主，買完食券之後，入店內店員會幫客人量左體温之後揀位坐。店內枱櫈係以昭和年代風格，裝修係以米白色為主，而且播放住最近大熱既JPop，睇落店內唔係好大，一排吧檯加4張方檯，應該有15-20個位左右吧！但有少少要注意係吧檯檯面，可能檯面比較窄，食麵時湯汁濺到筷子桶入面吧？🤔拎起筷子個陣有麵汁既污漬，牆面都有濺到麵汁。 我叫左隱世白伝沾麵，麵係中太麵，沾麵汁係以豚骨湯為主，汁內有特制醬油以及鰹魚粉，仲有芝麻，青蔥，叉燒，糖心蛋，紫菜，竹筍。沾麵汁非常濃稠，直接試飲一啖都唔覺鹹，反而味道偏淡，留有少少鹹香，可能麵本身有少少鹹味，沾麵後食落有淡淡鰹魚甜味，味道啱啱好😋😋麵汁內發現有少許果皮，係用黎提味既？🤔唔覺得有酸味同苦澀味🤔沾麵使用既係中太麵，麵質煙韌彈牙，冇鹼水味，好有滿足感😄😄叉燒睇落似係用五花腩既位黎制作，食落肉質唔會硬，而且好爽口有彈性😋糖心
位置係深水埔西九龍中心7樓蘋果商場入面，
真係唔知道正確位置都要揾下先見到。
店面我記得好耐之前有見過，
當時既裝修係非常簡單，只係用幾個簾遮住 ，
而家就用木材既牆隔住。
哩間店係入口側面有食券機買食券，
該店係以沾麵為主，買完食券之後，
入店內店員會幫客人量左體温之後揀位坐。
店內枱櫈係以昭和年代風格，裝修係以米白色為主，而且播放住最近大熱既JPop，睇落店內唔係好大，一排吧檯加4張方檯，應該有15-20個位左右吧！
但有少少要注意係吧檯檯面，可能檯面比較窄，食麵時湯汁濺到筷子桶入面吧？🤔
拎起筷子個陣有麵汁既污漬，牆面都有濺到麵汁。
我叫左隱世白伝沾麵，麵係中太麵，
沾麵汁係以豚骨湯為主，汁內有特制醬油以及鰹魚粉，仲有芝麻，青蔥，叉燒，糖心蛋，紫菜，竹筍。
沾麵汁非常濃稠，直接試飲一啖都唔覺鹹，
反而味道偏淡，留有少少鹹香，
可能麵本身有少少鹹味，
沾麵後食落有淡淡鰹魚甜味，味道啱啱好😋😋
麵汁內發現有少許果皮，係用黎提味既？🤔
唔覺得有酸味同苦澀味🤔
沾麵使用既係中太麵，麵質煙韌彈牙，
冇鹼水味，好有滿足感😄😄
叉燒睇落似係用五花腩既位黎制作，
食落肉質唔會硬，而且好爽口有彈性😋
糖心蛋既流心程度好大，
一夾開啲黃就流晒出黎🤤🤤
竹筍既份量唔多，只有兩塊，
不過食落冇怪味而且唔會硬，算幾好啦👍🏻👍🏻
紫菜有印住“”隱家“”既字，睇落好特別😃
青蔥落得好多，我好鐘意食蔥😂😂
青蔥入面淡淡既辛辣加甜味，
加埋掛左沾麵汁既麵黎食，
真係好食到唔知點講😍😍😍😍
食完麵後，淨低嘅湯汁店員會幫客人清湯，
但加入清湯後味道非常淡，冇甜味冇鮮味，
飲落差唔多好似清水一樣，有啲失望😔
價錢方面$78-$100左右，同我之前食過既店價錢差唔多，另有外賣包裝既拉麵，返到屋企放入雪櫃可以放一段時間，可以隨時食用，而且外賣價錢唔貴，真係方便😃
下次可以黎試埋其他兩款口味呢！😄
隱世白伝
11 瀏覽
0 讚好
0 留言
張貼
