Relish Kitchen by ALOT (已結業)

落雨天，要出外食飯，一係就屋苑樓下，再唔係就搵鐵路沿線，最好唔駛擔遮出街就最後。 Airside就有呢個決條件。上開飯做定功課，見到呢間Relish Kitchen地方幾寬敞，又好似好chill 就試下啦。入門口第一步有少少失望，冇人帶位什至入到去，都要叫個待應至有反應（當時餐廳並不多人）。環境的確唔錯，不過餐牌食物選擇略少。餐廳軟件叫做可以（食物質素）不過硬件真係要改善（職員既態度）除左入門口冇人理，普遍冇咩笑容，都唔緊要。職員取走食完餐碟，亦唔會開口示意就取走。到埋單時，因為第一次光顧，並不知道可以出去收銀處，當叫職員埋單時，佢只係示意知道，但係等候一陣並冇反應。只係我見隔離客外出埋單，至知係外出收銀處付款。老實說，有時餐廳有冇回頭客，除左食物外，其他條件都會影響到下次再光顧與否。