夢旅人 Cafe (已結業)

星期六路過這餐廳，被它側面牆身嘅塗鴉吸引，儘管抱着一試嘅心情入去試個下午茶，這裏裝修簡潔得來好有親切感，像置身於台灣嘅Café ，老闆刻意喺角落放了一個書櫃，給客人返屋企嘅感覺，又像台灣民宿特有的親切感。我們點了這裏著名的「全日英式早餐」，個炒蛋滑到阿囡忍唔住要問老闆到底是點樣整。飲品方面，阿囡點了個凍綠茶奶，我就點了杯咖啡，味道不比星X克遜色，但價錢就便宜很多。還有，老闆會熱情送上家制曲奇餅以伴咖啡食用。同老闆交談之間，他說由於開店不到半年，主要係靠客人口碑互相介紹，喺呢度飲下午茶，完全可以放下平日緊張嘅情緒，一邊嘆咖啡一邊睇書，可以在此消閑2至3小時，老闆又會出嚟同你傾吓計，這種休閑感覺在香港的確難找到。