稻坊 (荃灣廣場)

營業中

休息中

去荃灣一班人飲茶，又唔想等位，就試吓稻香。🌀櫻花蝦脆網腸粉🦐腸粉面頭灑上櫻花蝦，入面夾少少炸兩。炸兩仲係好爽口，幾脆，夾埋櫻花蝦，幾香口，唔錯。🌀香茜叉燒腸🐖叉燒唔夠鮮味，似一早整好擺咗陣，味道普通，一般般舊式酒樓貨色。🌀稻香蝦餃王🦐蝦肉都算爽口，中上水平。🌀三鮮炆米粉🍲米粉煮得太乾身，雖然係炆米，但似冇乜味嘅炒米粉多啲。🌀超星級燒賣王🥡一籠燒賣有三款口味，配搭幾新鮮，啱晒喜歡多變化嘅人。🌀香煎蓮藕餅🧆蓮藕餅係即煎嘅，入面有冬菇同粒粒蓮藕，幾爽口，外層又脆脆地，幾好味。🌀脆皮鮮蝦腐皮卷🥡腐皮好香口，炸到好脆，鮮蝦就要味道唔出，不過配埋其他調味料，都幾好食。🌀大良脆皮奶卷🍼上枱時已覺得擺咗陣，唔太熱，而且比較甜，又冇乜奶香，可以不理。🌀奶黃包奶黃包冇流心效果，奶黃亦唔算豐富，有啲失望。🌀金錢肚金錢肚幾惹味，亦唔算韌，質感適中，算好味。🌀荷香珍珠雞質感可以，飯粒包喺荷葉入面都唔會過腍，調味適中。