無肉食 (堡壘街) (已結業)

見價錢不貴，周末約埋家人去試，未開門就有人排隊，真係咁多人愛素食？先付錢後開餐，價錢唔貴食材也是家常菜，我估最貴係紅菜頭。最愛大木枱，唔擠迫，又有陽光照射，環境舒服，大家也不心急搶食物，感覺良好。全程得一集碟去拿食物，有點麻煩但環保，值得支持，食完要自已執枱，這些大家都要適應。食物清淡啱我口味，椰子湯驚喜，煎堆最惹味又煙韌，南瓜大滿足，吃過痛快，蕃茄蛋酸酸地好味，蔬菜供應充足，甜品糕點合格水平，紅豆沙幾好，但涼粉偏苦，飲品選擇太少，有杯咖啡或茶就更開心。就算係食肉獸都可以偶然來清清腸胃，輕輕鬆鬆吃一餐，不用像酒店自助餐鬥搶快鬥吃得多。