紫玉蘭

營業中

休息中

琴日同家人去左呢間餐廳飲茶，諗住佢主打上海菜就只有上海野，原來仲有平時嘅中式點心，可以嗌下蝦餃燒賣果啲。點左八款點心，最鍾意係個煎小籠包同埋薰蛋，咬落去個小籠包啲汁多到爆出嚟，真係要小心啲食。薰蛋好香，加埋啲鹹鹹地嘅魚子味道吾錯！另外，個雞絲粉皮比想像中大碟，味道都幾好。不過個煎蠔仔餅就麻麻地，啲蠔仔甩哂出嚟，啲醬甜甜地嘅，未見過。個椰皇綿花雞都幾特別，暖住咁上，仲可以食埋個椰子肉。同埋雖然呢度樓底吾高，但吾會覺得好嘈，都坐得舒服。