影片
更多
2019-12-28
163 瀏覽
平日間中都會和同事去觀塘「利寶閣」飲茶，不過就一直無留意這間連鎖中菜廳有做點心放題。瀏覽過網上資料，原來酒樓的點心放題已經推出了好一段日子，真是後知後覺，一於趁假期兩口子嚟試下。放題的價錢十分平民，只需百多元就可以任食 2 小時，而且每位成人顧客更可獲送原隻鮑魚酥及花膠灌湯餃，想回本肯定無難度！點菜紙上有超過 50 多款點心，店員話全部都是即叫即製，而且不需一籠籠地叫，可以按個人喜好的數目來點，只點一件也可以，做法非常貼心。鮮蝦菜苗餃：菜苗餃造型一流，不但外型飽滿，而且餃皮亦夠曬薄身。餡料是蝦肉搭上菜苗，蝦肉帶有鮮味，入口彈牙，配上清香的菜苗，絕對是必食之選。時菜牛肉球：牛肉球嫩滑而彈口，尤其喜歡內裡的馬蹄粒，又爽又甜， 如果可以加少少香茜就更加perfect。脆皮叉燒包：叉燒包外形脹卜卜，食落非常鬆軟，牛油面做得很香脆，而叉燒餡料亦算鬆化，入口帶鮮甜肉味。燒汁木魚釀茄子：大大件茄子加煎香魚肉，再淋上燒汁和木魚絲，茄子厚切爆汁、魚肉彈牙，燒汁味道唔錯，甜甜地，好開胃。豬腳薑：醋的香味唔錯，雖然是略為偏甜，但味道馥郁；雞蛋咬下有點硬實，但就非常之入味。豬腳腍身得來又夠膠質，而薑塊亦夠曬鬆
平日間中都會和同事去觀塘「利寶閣」飲茶，不過就一直無留意這間連鎖中菜廳有做點心放題。瀏覽過網上資料，原來酒樓的點心放題已經推出了好一段日子，真是後知後覺，一於趁假期兩口子嚟試下。
放題的價錢十分平民，只需百多元就可以任食 2 小時，而且每位成人顧客更可獲送原隻鮑魚酥及花膠灌湯餃，想回本肯定無難度！
點菜紙上有超過 50 多款點心，店員話全部都是即叫即製，而且不需一籠籠地叫，可以按個人喜好的數目來點，只點一件也可以，做法非常貼心。
鮮蝦菜苗餃：菜苗餃造型一流，不但外型飽滿，而且餃皮亦夠曬薄身。餡料是蝦肉搭上菜苗，蝦肉帶有鮮味，入口彈牙，配上清香的菜苗，絕對是必食之選。
時菜牛肉球：牛肉球嫩滑而彈口，尤其喜歡內裡的馬蹄粒，又爽又甜， 如果可以加少少香茜就更加perfect。
脆皮叉燒包：叉燒包外形脹卜卜，食落非常鬆軟，牛油面做得很香脆，而叉燒餡料亦算鬆化，入口帶鮮甜肉味。
燒汁木魚釀茄子：大大件茄子加煎香魚肉，再淋上燒汁和木魚絲，茄子厚切爆汁、魚肉彈牙，燒汁味道唔錯，甜甜地，好開胃。
豬腳薑：醋的香味唔錯，雖然是略為偏甜，但味道馥郁；雞蛋咬下有點硬實，但就非常之入味。豬腳腍身得來又夠膠質，而薑塊亦夠曬鬆化無渣，食落薑味勁足。
蒜香雞中翼：雞翼比預期大隻，外皮炸得非常香脆，內裡雞肉很嫩滑，一點也不乾，入口充滿肉汁，食極都不會厭，絕對要 encore。
腐乳唐生菜：初頭仲以為會好似腐乳椒絲生菜嘅做法，原來腐乳同生菜係分開上。幸好生菜味道唔錯，顏色翠綠有光澤，吃起來很爽口，沾點腐乳吃，鹹香惹味。
位上的原隻鮑魚酥同花膠灌湯餃，鮑魚雖然唔算好大隻，但食落煙韌彈牙，酥皮底鬆脆可口，配原隻鮑魚吃，口感一流。灌湯餃用料十足，餡料有瑤柱、鮮蝦、冬菇和肉碎等，除此之外仲有一件花膠，以上湯同燉，蘸醋吃，美味不過。
甜品選擇都幾多，足足有成 7 款，點咗懷舊馬拉糕、懷舊芝麻卷、十勝紅豆雪糕脆麻花。馬拉糕水準不錯，色澤令人滿意，入口甜度剛好，而且質感亦夠曬鬆軟。
懷舊芝麻卷：黑芝麻卷近年已買少見少，所以見到一定唔可以錯過，相信是不少香港人的集體回憶。雖然這裡的芝麻卷，芝麻味唔算好香濃，但咬下煙煙靭靭，味道又唔太甜，大人細路都啱食！
十勝紅豆雪糕脆麻花：用十勝紅豆配脆麻花蛋散同雲呢嗱雪糕，配搭新穎。脆麻花很鬆脆，唯一可惜是沒有把蛋散蘸上糖膠，不過用來配雪糕同紅豆粒食，都好香甜味美。
張貼
