88 快餐廳 (已結業)

想食餐好d, 都要時間的, 因為打後幾個鍾都冇得食野, 又只得半個鍾, 為保上菜時間準確冇誤, 就緊係選快餐, 係呢個商場唔想食美心同麥記, 就走過來試下, 見到個西多拼雞翼都係$13, 預料會係中雞翼同迷你西多, 點知係隻鹵水雞全翼, 加一件正常呎碼開半o既西多, 雞翼還帶有點鹵水味, 一叉之下, 骨肉立即分體。另外件西多是即炸, 出奇地不太油,中間夾有花生醬又熱辣辣, 不錯, 連埋杯熱飲, 盛惠十三蚊。題外話, 食緊野時,視線範圍內見到3個人伏在檯上睡覺, 莫非係接到周生急call 同往開檯打麻雀？