影片
更多
2010-10-25
60 瀏覽
因為同公司只隔幾條街，所以間中都會係度食個早餐或晏仔 ~ 最初時嗰位收銀阿姐鑊鑊都落錯單、又慢動作，要係激到爆血管，依家進步左好多，免強接受到啦 ~ 室內裝修算寬倘，坐得都幾舒服。但啲出品真係越黎越差囉，多選擇又點啫，周身刀又無張利呀 ~黑松露滑蛋雞扒配蘿蔔糕，滑蛋加左牛油炒香，唔錯，係有水準既，蛋剛熟夠滑。黑松露屬街坊大眾化貨色，味道似草菇，廿幾蚊都估到係咁架喇。太陽蛋雞扒配蘿蔔糕加火腿絲通心粉及凍齋啡走甜，乾煎雞扒真係幾乾吓喎，肉汁都無滴，好鬼鞋。自從通粉轉左有坑紋後，口感又厚、又唔彈牙，佢地以為做左坑紋後會索多啲湯好食啲，其實一啲用都無，以前平滑無坑既先又薄又彈牙好食。火腿浸到過熟，好鞋。太陽蛋雞扒配蘿蔔糕，唔見左個太陽既？散鬼晒。仲有塊心碎蘿蔔糕添，一開為二，睇都睇到啲質感好唔掂，粉多蘿蔔少。太陽蛋煎雞扒配蘿蔔糕，搵極都唔見個太陽去左邊，又燶又熟、乾增增。雞扒細件又鞋烚烚又硬屈屈，又乾又無肉汁。蘿蔔糕只咬到幾粒蘿蔔，份量好以一比九十九咁，粉就多多。點解依家變成咁架，以前真係份量又多又抵又好食 ﹗炸醬泡麵，都唔知邊個無聊人發明即食麵都要灑啲生蔥落去，都唔知搞咩，畫蛇添足。只係落滾
黑松露滑蛋雞扒配蘿蔔糕，滑蛋加左牛油炒香，唔錯，係有水準既，蛋剛熟夠滑。黑松露屬街坊大眾化貨色，味道似草菇，廿幾蚊都估到係咁架喇。
太陽蛋雞扒配蘿蔔糕加火腿絲通心粉及凍齋啡走甜，乾煎雞扒真係幾乾吓喎，肉汁都無滴，好鬼鞋。自從通粉轉左有坑紋後，口感又厚、又唔彈牙，佢地以為做左坑紋後會索多啲湯好食啲，其實一啲用都無，以前平滑無坑既先又薄又彈牙好食。火腿浸到過熟，好鞋。
太陽蛋雞扒配蘿蔔糕，唔見左個太陽既？散鬼晒。仲有塊心碎蘿蔔糕添，一開為二，睇都睇到啲質感好唔掂，粉多蘿蔔少。
太陽蛋煎雞扒配蘿蔔糕，搵極都唔見個太陽去左邊，又燶又熟、乾增增。雞扒細件又鞋烚烚又硬屈屈，又乾又無肉汁。蘿蔔糕只咬到幾粒蘿蔔，份量好以一比九十九咁，粉就多多。點解依家變成咁架，以前真係份量又多又抵又好食 ﹗
炸醬泡麵，都唔知邊個無聊人發明即食麵都要灑啲生蔥落去，都唔知搞咩，畫蛇添足。只係落滾水浸腍就食既泡麵，同明火煮好係兩回事。味覺同嗅覺都差天共地，只為醫肚可以啦。湯啖，要靠辣椒油打救。
張貼
