韓冰 (已結業)

今日去開尖沙咀shopping後聽朋友講呢間好好味嘅食韓冰嘅梗係即刻跑去食啦！但係鋪頭嘅位置比較難搵。。。要搵一陣先可以搵到間正確嘅位置！去到鋪頭要自己搵位嘅要好似快餐店咁企喺枱旁邊等位！幸好我哋差唔多九點先去到先好多人等左五分鐘就有位啦！我哋叫咗兩個套餐另外在加多一杯野飲，分別係雪花冰餐＄128，炒年糕套餐 ＄108！雪花冰餐叫左紅豆豆粉雪花冰同埋香蒜芝士脆脆波～～紅豆豆粉雪花冰真係好好食呀！紅豆加上豆粉連埋mochi雪花冰一齊食，感覺好幸福！軟綿綿嘅雪花冰連埋紅豆 入口即溶！！ 雪花冰裏面做應該除咗豆粉之外，應該有牛奶，食落去嘅時候有牛奶味同帶甜！香蒜芝士脆脆波絕對係肥膩野！但係真係超好食外脆內軟！配合是一層肥膩嘅芝士包住成個包，仲要加多層煉奶！wow.....真心肥膩但確實係好好食！炒年糕套餐叫左韓式炒年糕同柚子冰沙！韓式炒年糕配料好多，除咗年糕之外仲有韓式魚蛋同埋拉麵！份量比較大！對於我來講呢個炒年糕比較辣！好彩叫左杯柚子冰沙，降下辣，幸好唔算好甜，柚子味濃，都幾好飲！朋友就叫多杯濟州綠茶冰沙＄35，綠茶味都夠濃，亦都唔太甜！杯野都唔差！整體嚟講食物同飲品都不錯！但唔明白點解自