Cafe Balencia (已結業)

o係雜誌度,見過阿So讚過銅鑼灣Das Gute提子直燒好食,適逢今日來到呢間Café Balencia,但賣既包,99%同Das Gute一模一樣,「肯定」係同一公司。$13一條提子直燒好唔抵,所以買左細既提子包,$6.5。好食既不在於包,好食在於它的提子乾,夠份量,又「新鮮」,粒粒脹卜卜,很「juicy」。對麵包無要求既老公,都讚,此包好勁提子味!杏仁曲奇牛角$10,牛角包cover一朕東西o係面,好新奇!可惜我諗新鮮出爐就好食,微微叮熱,曲奇層與牛角包,口感各有各,mix唔到。牛角酥亦不香。草莓朱古力牛油蛋糕$10,牛油唔夠,我只可俾一個「乾」字,乾爭爭,攪到ok的朱古力味部份,都失埋分。