麵家山下 (已結業)

係面書見到話上水嘅山下比水貨客强佔，諗起元朗都有分店，又橫掂未試過，落樓下食個麵先。坐低店員送上水同餐牌，麵有五款，湯底有四種，仲有幾樣小食同飲品咁，簡單易明，好快決定到食咩。愛肉嘅朋友叫左又燒拉麵，辛辣湯底。叉燒有四、五片之多，朋友話好滿足喎。湯底不算太辣，香濃惹味，食到底有幾隻辣椒，唔小心咬到就真係會好辣啦。自己點左拉麵DX醬油湯底，貪佢有兩隻蛋，我真係好鍾意食呢種味附蛋㗎。醬油湯底意外地清淡，沒想像中油膩呢。麵條爽口彈牙又掛湯，好食喎。叉燒甘香入味，半肥瘦好正，可惜太薄了，失去了口感。正爆流心蛋，充滿蛋香之餘，蛋醬仲留係口腔內久久不散。有點意猶未盡再追加左一份大板燒串，大板燒食得多，整到棒狀就第一次見。粉醬同椰菜比例幾好，外邊煎得香脆，加上勁多醬汁同沙律醬，好好味！平均唔使一百蚊個人，拉麵黎計算係咁了。