影片
更多
2019-04-22
4304 瀏覽
臨近復活節又是時候約朋友出嚟見下面，而今次飯聚的地點就揀咗港島太平洋酒店的「中西．環」。如果平日有留意開我足跡的朋友，應該對這裡不會感到陌生，因為我久不久就會嚟一次，加上餐廳經常有優惠推廣，自助餐主題亦換得頻密，所以每次到訪都會有一定的新鮮感。其實嚟之前有瀏覽過網頁，得知餐廳最新的主題為「味歷東瀛」海鮮自助晚餐，當中包括有任食無限量供應的日式爐端燒、時令刺身及壽司、即製日式拉麵、日式咖哩和大阪燒等，加上冰鎮海鮮及日式甜品，內容挺豐富，所以對這晚嘅自助餐亦十分期待。立即出動，先由海鮮區出發，這裡的冰鎮海鮮，款式甚多，選擇包括有翡翠螺、鱈場蟹腳、熟蜆、波士頓龍蝦、紐西蘭藍青口同大蝦，一來已看得人心花怒放。龍蝦個子雖然不算很大、但肉質鮮甜。另外鱈場蟹腳食味亦不俗，不但外形修長誘人、而且入口嫩甜而不鹹，是絕對值得 Encore 的海鮮。旁邊的自助沙律吧，內有多款爽甜的沙律菜、西蘭花、甘筍、車厘茄同青瓜，另外亦有蕎麥麵同數款已預先調配好的沙律，如蓮藕木耳撈沙律、芝士牛蒡沙律、清新開胃的柚香和風秋葵雞肉沙律等，用作自助餐頭盤，非常適合。 至於冷盤區，這晚的選擇就不算多，只有煙三文魚及日式鯛魚拼盤和
其實嚟之前有瀏覽過網頁，得知餐廳最新的主題為「味歷東瀛」海鮮自助晚餐，當中包括有任食無限量供應的日式爐端燒、時令刺身及壽司、即製日式拉麵、日式咖哩和大阪燒等，加上冰鎮海鮮及日式甜品，內容挺豐富，所以對這晚嘅自助餐亦十分期待。
立即出動，先由海鮮區出發，這裡的冰鎮海鮮，款式甚多，選擇包括有翡翠螺、鱈場蟹腳、熟蜆、波士頓龍蝦、紐西蘭藍青口同大蝦，一來已看得人心花怒放。龍蝦個子雖然不算很大、但肉質鮮甜。另外鱈場蟹腳食味亦不俗，不但外形修長誘人、而且入口嫩甜而不鹹，是絕對值得 Encore 的海鮮。
旁邊的自助沙律吧，內有多款爽甜的沙律菜、西蘭花、甘筍、車厘茄同青瓜，另外亦有蕎麥麵同數款已預先調配好的沙律，如蓮藕木耳撈沙律、芝士牛蒡沙律、清新開胃的柚香和風秋葵雞肉沙律等，用作自助餐頭盤，非常適合。 
至於冷盤區，這晚的選擇就不算多，只有煙三文魚及日式鯛魚拼盤和雜錦凍肉，不過用來配沙律吃，味道亦不俗。
今期自助餐的主題是「味歷東瀛」，刺身、壽司、卷物，當然唔少得。刺身全部即點即切，共有五款，除了有我最愛的三文魚，另外仲有八爪魚、希靈魚同吞拿魚等。但講到豐富，就點都唔及旁邊的壽司區，睇下陣容幾鼎盛，不過為咗留肚食熱盤，所以只可以淺嚐。
熱盤方面，先主攻幾款日本美食，當中包括有香脆爽口的和風芝士牛蒡炒飯、創新獨特的日式綠茶浸蝦丸、京都豚肉炒麵、層次感十足的干貝拉麵大阪燒、日式金菇牛肉卷、咖哩豚肉壽喜燒、關東煮、元貝海鮮蒸蛋。金菇爽口多汁，以鹹香惹味的牛肉包捲住，一葷一素，金菇中和了牛肉的油膩，而牛肉汁又為金菇提鮮，兩者相得益彰。另外關東煮味道亦唔錯，清爽不油膩，而且用料非常豐富，有蘿蔔、蒟蒻、油豆腐、炸魚餅、冬菇、蓮藕片等。白蘿蔔索曬啲湯汁，入口清甜無渣。
湯品方面，共有兩款，一西一日，包括有椰菜花忌廉湯和麵豉湯。麵豉湯內裡有不少瘦肉和蔬菜，入口味道合宜，鹹中又帶點鮮甜。
至於其他熱食就仲有雜菜天婦羅、芝士唐揚雞肉、炒雜菜、燒肉眼扒、香草燒羊架等。是日拉麵精選為醬燒雞肉拉麵，湯底有黑蒜豚肉湯、特濃乾貝味噌湯或地獄海蝦湯可供選擇，不過筆者自知胃納不大，還是留肚吃爐端燒好了。
日式爐端燒網羅了和牛車厘茄串、醬燒大墨魚咀、味醂雞泡魚乾、鹽燒海老、岩鹽燒牛舌、鹽燒秋刀魚、雞骨腸、紫甜番薯、日式帶子串燒等美食，幾款味道都唔錯，香濃惹味！
終於嚟到壓軸甜品，款式真係數之不完，首推當然是幾款日式甜品，當中包括有日式抹茶豆腐、鹽漬櫻花閃電泡芙、日本清酒白桃慕絲撻、綠茶砵仔糕、櫻花紅豆砵仔糕、日本綠茶千層班戟、柚子忌廉芝士餅，另外仲有濃朱古力慕絲蛋糕、薑芽蛋撻、黑糖玉子麵包布甸、豆腐花、芝麻糊、棉花糖……等等。閃電泡芙結合櫻花微鹹的香氣與柔軟口感，而柚子芝士餅亦清新甜蜜，令人一吃愛上。
每次嚟都一定會留肚吃雞蛋仔和 Häagen-Dazs 雪糕，食完真係非常滿足。順帶一提，現於網上預訂自助晚餐可享高達 7 折優惠，折扣後連服務費每位成人只是由 $350 起，絕對是中上環區自助餐性價比極高之選！
張貼
