鳴虎 (北帝街) (已結業)

今晚去土瓜灣搵食，俾一間日式餐廳嘅裝修設計吸引咗，就入去試吓。佢哋主打係拉麵，我今晚就揀咗佢哋嘅鳴海老拉麵，有蝦味嘅豬骨湯上邊再加豐富嘅櫻花蝦粉，感覺就似海鮮湯，味道非常香濃。拉麵柔軟彈牙，非常吸收到豬骨湯濃味。我知道每碗拉麵係會有半隻半熟蛋，但係原來加多$8就可以追加多一隻，why not? 餐廳有好多唔同款嘅小食，所以今次試咗肉餃子，芝麻雞翼，芝士魚餅拼魚條。芝麻雞翼啱啱新鮮煎出嚟，熱辣辣，香脆都差唔多連啲骨都食埋，芝麻味亦香。一向鍾意食芝士嘅我，就深深地俾芝士魚餅同埋芝士魚條俘虜咗，每一口都係濃郁煙韌嘅芝士。嘢飲就叫咗波子汽水，又解暑，又搵返啲童年回憶。