嚐點 (已結業)

如果你哋食完添好運同一點心都覺得唔好味嘅話,我諗你哋都係唔好幫襯此店嘅點心了,事關勁難食,價錢又比前兩間貴,加上又鹹又多味精,食完勁口喝,厨帥嘅厨藝真係好唔掂,要我再幫襯,下世都唔肯呀!!詳細介紹如下:脆皮焗叉燒包同添好運真係冇得比,熱就熱喇,可惜包身做得唔夠鬆軟,熱辣辣食都可以咁韌,凍咗肯定勁難食.餡料得啲汁,又鹹又冇料,做得好差.蝦腸粉皮好粉唔夠滑,蝦肉唔彈牙,落重胡椒粉,可惜一樣食出有雪味,好難食.鳳爪排骨石頭飯,已經冇落豉油,味道一樣勁鹹,好多味精,食完好口喝.水晶菠菜餃,皮唔夠煙韌,餡料味道一般,冇乜特別.瑤柱籮蔔糕質感好粉,得胡椒粉味,籮蔔清香欠奉,味道好差.