華倫餐廳 (已結業)

成日泊車都會泊係禮頓中心。一出門口就會見到呢間茶餐廳。於是就過去食個brunch啦。依家香港地下午茶都幾貴。呢個海鮮烏冬都要成五十幾蚊啦。平心而論呢，其實係好足料個喎。好多鮮魷魚，又好多蝦，又好多蛽肉。食落其實幾好味，而且又有好多金菇啦芽菜。份量都非常之大碗。食完好飽飽啊。其實食完果一刻係想比正評佢。但係過咗半個鐘頭之後就feel到個口好乾。其實有啲唔係好自然嘅感覺。因為我係唔受得味精嘅人，我食完會好feel到個人好唔舒服。我估應該係落咗好多味精。所以咁好味。我唔推薦好多味精嘅食物。好可惜呢間野我唔會再返去啦。