十二味麻辣三兄弟 (已結業)

冇胃口。咁啱見到呢間新開川菜有麵類午餐，入去試下。呢度前身係一間本地品牌開嘅日式火鍋店，隔局冇變。我要咗牛麵，冇得揀辣度只可要或唔要，咁梗係要辣，仲加咗小食麻辣豬耳。牛似滷水唔辣，切得頗薄冇乜咬口又冇啫喱狀嘅筋，幼麵腍身索哂啲辣味但冇麻，放面嘅芝麻冇香味亦冇味，整體味道還可以。豬耳爽帶微量麻味同少辣，但算幾香，好過碗麵先。四川菜精粹嘅麻、辣、鮮、香，今日唔係好體會到。