BELLAVISTA

營業中

休息中

香港近年開咗唔少新商場，蒲點多咗，而最得我哋歡心嘅，一定係AIRSIDE。AIRSIDE除咗方便之外，商場以唔少異國情調嘅餐廳作招徠，啱晒為食嘅我哋，其中BELLAVISTA就充滿驚喜，為味蕾來一趟沉浸式體驗。泰式牛肉沙律燒到半熟嘅牛肉，肉味香濃，肉質綿滑。微烘嘅麵包粒，口感鬆脆，配上香醋拌過嘅沙律菜同雞蛋，夠晒開胃，係營養均衡嘅一個開胃菜。蜆肉扁條麵以蜆包圍住扁條麵，擺盤超靚呀！蜆肉份量十足，彈牙又鮮甜，仲食到淡淡嘅橄欖油香味。其他嘅配菜仲有芫荽同蕃茄，令扁條麵嘅味道香味十足，充滿層次。魚柳漢堡即叫即做嘅魚柳漢堡，食得出餐廳嘅用心。魚柳炸得非常香脆，外脆內嫩、酸酸甜甜嘅醬汁，令炸魚柳更加滋味，減輕油膩感、配合拉絲嘅芝士真係視覺味覺都同時得到滿足。