NeNe Chicken (大埔超級城) (已結業)

朋友食過大埔中心的一間韓國菜，食物款式多，而且是新開幾個月，還推出了很多優惠套餐，今晚就特意去試吓先。原來隔離餐廳是以韓國燒烤方式為主題，這一間NeNe Chicken就主打熟食食物為主。店員服務態度殷勤親切，隨即俾咗兩個杯我哋，每一台都有一壺檸檬水，可以比客人自行斟用，非常方便。餐牌嘅食物圖片非常吸引，七彩繽紛，搞到我哋每一款都好想試吓。當然不得不叫呢度嘅主打食物-炸雞🍗，見到咁多款味道嘅炸雞選擇，我哋就揀選左兩隻味道、而且是無骨嘅NeNe 雙重滋味炸雞🍗。招牌Crispy炸雞呈現金黃色嘅脆脆外皮，咬一啖香脆之餘，入面嘅肉汁隨即滲透，估唔到咬落去雞肉肉質非常鮮嫩，好新鮮！另外嘅蒜香SoyGarlic炸雞好香口，香料四溢，食得好滋味。最後我哋再order左一個韓式宮廷千層鍋，清清地再填飽個肚仔。又食炸雞又恰下恰下，當然要叫番啲飲品爽一爽喉嚨，韓式宮廷千層鍋套餐仲可以以優惠價$5換購罐裝飲品，朋友就叫了一罐可樂。其他特飲只需要用半價就可以享用，非常抵飲！總括而言，食物質素有保證，而且食物新鮮，難怪餐廳門口經常多人等位。