影片
更多
2015-06-08
2722 瀏覽
又喺久唔久一次跟班好姊妹嘅飯局，不過，諸多原因，人脚有變，但開心嘅喺照樣能如期開飯，因為大家都忙，人多極之唔易約，雖然唔齊章，都先嚟一次小飯局 。一出電梯門，估唔到新泰個門面咁寬敞，比起好多食廈，擠擠迫迫，依度就感覺舒服好多 。就算入到裡面，亦都唔會為做生意將枱櫈排到密麻麻，反而，在柔和嘅燈光配合下，予人有一份寧靜嘅安祥感。翻過一轉餐牌，因為實在好多選擇，由小食、燒烤、湯、沙律、咖喱、肉類、海鮮、蔬菜、飯麵……等等，大家都覺得有好多想試嘅美食。好多時候，揀食乜的確傷腦筋，猶幸朋友們都唔喺咩揀飲擇食之輩，你提議吓，我和議吓，好易決定到食乜好 。餸菜未到，大家就先點點嘢飲，因為見到啲飲品甚吸引。 芒果沙冰 $38 芒果，菠蘿，兩款都喺心水口味，最後都喺決定要芒果，貪其夠香，果然，芒果味好濃香，但沙冰質感又唔算好冰喎。 番石榴沙冰 $38朋友話好正，所以試咗一啖，的確入口非常清爽， 番石榴味道獨特而清甜，真喺暑氣全消。 鹹檸檬七喜 $32好穩陣嘅選擇，應該唔會有咩太大落差。唔使等得好耐，就已經有餸菜上枱。因為我哋人唔多，小食類只要咗個小拼盤，而點多客紙米卷因為想食軟殼蟹。
一出電梯門，估唔到新泰個門面咁寬敞，比起好多食廈，擠擠迫迫，依度就感覺舒服好多 。就算入到裡面，亦都唔會為做生意將枱櫈排到密麻麻，反而，在柔和嘅燈光配合下，予人有一份寧靜嘅安祥感。
翻過一轉餐牌，因為實在好多選擇，由小食、燒烤、湯、沙律、咖喱、肉類、海鮮、蔬菜、飯麵……等等，大家都覺得有好多想試嘅美食。好多時候，揀食乜的確傷腦筋，猶幸朋友們都唔喺咩揀飲擇食之輩，你提議吓，我和議吓，好易決定到食乜好 。
餸菜未到，大家就先點點嘢飲，因為見到啲飲品甚吸引。
芒果沙冰 $38 芒果，菠蘿，兩款都喺心水口味，最後都喺決定要芒果，貪其夠香，果然，芒果味好濃香，但沙冰質感又唔算好冰喎。
番石榴沙冰 $38
朋友話好正，所以試咗一啖，的確入口非常清爽， 番石榴味道獨特而清甜，真喺暑氣全消。
鹹檸檬七喜 $32
好穩陣嘅選擇，應該唔會有咩太大落差。
番石榴沙冰、芒果沙冰、鹹檸檬七喜
40 瀏覽
0 讚好
0 留言
小拼盤 $88 細拼寫到明只有蝦餅同魚餅，一客各有兩件，每件開半。炸得金黃，兩者入口已感到好彈牙，誇張啲講句，前者蝦味濃，後者魚味鮮，再沾少少泰式酸醬，酸甜滋味！
小拼盤
$88
51 瀏覽
0 讚好
0 留言
香芒軟殼蟹米紙卷 $75 芒果類嘅前菜向來都甚得人歡心，加埋軟殼蟹，啱晒我啦。大口一咬，口感豐富，米紙卷內更加入埋米粉，生菜，甘筍絲，青瓜絲，感覺非常清新 。
香芒軟殼蟹米紙卷
$75
31 瀏覽
0 讚好
0 留言
南瓜焗咖喱海鮮 $128 咖喱類有十多款菜式，南瓜實屬個人偏好，而依道南瓜焗咖喱海鮮個南瓜品種較大隻，內裡放滿多款海鮮，所以整體份量頗多，計有青口、大蝦、魷魚、魚柳……等等，浸在鮮橙紅色嘅咖喱當中，望見已非常吸引。海鮮嘅質素唔算好高，屬於不俗水平，但個咖喱真喺有一手，撈勻啲椰奶，濃香而富層次 ，配印度酥餅（$28）抑或蒜蓉包（$28），都咁正。
南瓜焗咖喱海鮮
$128
39 瀏覽
0 讚好
0 留言
鹽燒鱸魚 $108 食泰菜經常食明爐烏頭，今次轉一轉晌燒烤類試咗一道鹽燒鱸魚，賣相睇落相當唔錯，外皮燒得焦香。揭開外皮，雪白嘅魚肉活現眼前，入口果然嫩滑，鹹鮮味以外，又滲出淡淡香料味 ，原來魚肚內放有唔少泰式香料一同鹽焗，果真有心思，就算唔蘸醬都夠晒味 。
鹽燒鱸魚
$108
66 瀏覽
0 讚好
0 留言
蒜蓉炒貴妃苗 $75 貴妃苗個名真喺好聽，我就慣叫佢做翡翠苗，因為非常翠綠，因此得名。除咗翠綠得靚，爽脆亦喺好食嘅原因之一，簡簡單單蒜蓉炒，唔使搞咁多，已經好好食。
蒜蓉炒貴妃苗
$75
50 瀏覽
0 讚好
0 留言
經典泰式甜品之一，一層一層，碧綠養眼。入口煙煙韌韌，有點班蘭及椰子口味嘅交融，食極都唔厭。
千層糕
$38
59 瀏覽
1 讚好
0 留言
班蘭糯米飯布甸 $52 當晌餐牌睇見依款甜品時，覺得好新穎，所以，已覺諗住要試。一客只有兩件，打開蕉葉，原來好似件玉子壽司咁，下層喺班蘭糯米飯，上層喺雞蛋布甸，無論內外，賣相都相當有心思，味道方面亦不俗，糯米飯黏糯而滲出淡雅嘅班蘭香味，雞蛋布甸軟軟滑滑！
班蘭糯米飯布甸
$52
46 瀏覽
0 讚好
0 留言
一餐飯食得開唔開心，除咗餸菜嘅味道，同枱嘅人脚都好重要，啱傾啱講會食得開心好多，所以，味道好壞有時源自心態，正所謂心情唔好，食龍肉都無味！
張貼
