鼎泰酸菜魚

營業中

休息中

之前做野係灣仔見到咁多係人係門口排隊等食酸菜魚我已經好想食， 而咁岩今日媽咪過來找我食lunch ， 咁我緊係同佢食好野啦！識我地嘅都只我地鍾意食魚，所以來到一定要叫 鼎泰老壇酸菜魚， 因為鍾意所以叫晚餐份量先滿足到我和媽咪， 一大窩魚片無骨好滑，用左酸菜大豆芽薯粉做配菜，大量花椒粒幾香， 酸酸地dd辣好正。杭州醬鴨， 整得唔錯夠哂入味送飯一流，午餐：雲耳濃雞湯浸田園蔬 配四川擔擔麵 凍檸檬茶， 用雞湯來整菜特別甜，d雲耳幾爽唔錯， 四川擔擔麵夠濃香。午餐：四川回鍋肉配江南菜飯配熱咖啡， 回鍋肉夠哂惹味配上菜飯岩岩好解一下油膩。最後忍唔住叫左兩碗紅糖玫瑰冰粉，嘩一來到嚇親都幾大碗，平時呢個價錢只食到一半， 大大件滑一滑的冰粉，上面加左用紅糖煮過的玫瑰，甜絲絲的味道溶入去哂冰粉到，最後加小小芝麻成件事好香好味好完滿。