雲桂香米線專門店

營業中

休息中

呢間成日都食，但係只限於返工食晏，因為我放假時會比較着重服務，返工就只求醫肚。首先味道方真係幾好食嘅，有得揀小鍋米線，重慶酸辣粉，重慶紅薯粉夠煙韌，配埋湯底簡直一流，又可以自由揀餸，只係少數會見到一兩粒發泡膠係碗嘢入面，呢樣真係要改善下啦。另外服務真係唔掂，每次入親去啲侍應愛理不理咁，你一坐低左又話你亂坐，又或者一入嚟啲侍應就黑口黑面，呢啲見過唔少次，你嗌佢落單有啲係會扮睇唔到，要你開始燥燥地先會走黎落，仲要好唔耐煩咁，所以都好少喺呢間食店見到有奧客，如果以我觀察咁耐真係得一兩個係好少少態度，但係有時都幾開心，有時會有啲嚟旅遊嘅奧客入左嚟，就會有機會食花生睇到奧客大戰奧員工。