Ciao

營業中

休息中

昨天跟同事去到石門做野，job 同job 之間相差三個小時，所以想搵個地方坐低食嘢兼Hea下，見到京瑞一期有間西餐小店，環境企理又乾淨，而且lunch set 只是$68 ，有餐湯或沙律及餐飲，所以就入咗去。Lunch set份量都幾大，不過因為冇食早餐嘅緣故，而且見到隔離枱嘅小食好吸引，所以我們另外叫了兩個小食。蘑菇忌廉湯非常香，好多蘑菇蓉；卡邦尼意粉蛋汁香滑 creamy，煙肉、磨菇等配料一點都不少；香草肉醬意粉，肉醬濃郁，混合了各種配菜炒香嘅味道；兩個意粉都很彈牙!炸洋蔥圈，即叫即炸，熱辣辣好好味，唔會好多粉，又唔會好油膩，食到最後仍然脆卜卜；白酒忌廉青口配意大利香草包，好鍾意呢個菜式，白酒帶出每隻青口鮮甜嘅味道，個汁都好好味，有白酒及青口嘅海水味，好鮮甜! 服務員好有禮貌，繁忙時間都唔趕我哋走，俾我哋Hea足三個鐘。