Tardemah (K11 Musea) (已結業)

經過店面，有兩個韓國既姨姨做店員，好熱情係咁sell人買呢個買嗰個，最後埋單我只係買一包18蚊4粒既「紅豆核桃曲奇」（其實完全唔係曲奇）黎試下先，跟住收銀嗰個店員即刻黑面，又態度好差咁收錢。首先嗰包「曲奇」冇寫食用日期，好彩我自己問聲先知原來得一兩日保質期，一黎就sell人買咁一大盒，係咪人人都食得哂呢？好客觀咁講番個食物品質，個外型係好靚既核桃形，內餡都好飽滿，有滿滿既紅豆餡同埋一粒核桃，個外皮係淋既，成舊食落好似7X9都買到嗰種日本包裝好既銅鑼燒零食，只係味道冇嗰啲咁甜，味道好一般。