GOCHISO (已結業)

同朋友行經K11，咁岩想食pizza, 經過見到有間日本西班牙餐廳有pizza食,價錢驟眼望落唔算太貴,就吸引左入去試。餐廳環境燈色暗暗沉沉,設計風格好歐陸式,鋪面都大,員工服務態度幾好。餐牌價錢平均還可以唔算太貴,叫咗個南瓜粟米湯,薯仔南瓜伴沙律醬,紫菜烤雞pizza,炒蜆意粉。首先最先上南瓜粟米湯, 分量比以往的較為少d,南瓜粟米味好濃,味道夠!之後紫菜烤雞pizza叫咗個中size, 一黍望個賣相,已經有啲失望,面頭係紫菜,但烤雞份量好少,個人覺得望上去焦位都比較多,同埋批底非常非常薄,跟住一食完全好似食緊吉野家烤雞飯既味道,完全唔似食緊一個Pizza既感覺同味道,之後個批底真係如預期所料,好薄完全冇口感,無想食落去嘅意欲,大為失望 之後到佢嘅南瓜番薯天婦羅,入邊嘅番薯同南瓜係好食嘅,但佢外面油炸嘅外皮實在太過油膩,個人幾中意佢個醬。至於最後嘅炒蜆意粉,分量各方面都啱啱好足夠,味道還可以，冇咩太突出,個人認為各方面甘多樣味道偏淡。不過不失,埋單二百幾,價錢普通，但就唔太會想幫襯,食物普普通通,唔太特別吸引。