影片
更多
2023-06-06
186 瀏覽
今日（星期二）下午2點係青衣搵地方食野，serach 到呢間有生牛肉河，我呢個卡邦尼控兼生牛河控就想去試下。到達餐廳門口時為2：20，好尷尬的時間，因為佢門口同時棟左午餐同下午茶兩個餐牌，但下午茶個牌又無寫幾點開始，再望一望價錢，只係差6蚊就算，唔理咩時段照入座。企左係門口大約一分鐘，無人理會，無人帶位，但店內並不是很忙，甚至可以講是清閒，但d員工行黎行去唔知係度做緊咩。之後終於有人安排座位，再放低個午市餐牌。我坐係近門口，然後我照叫左個生牛肉河。係等野食既期間，眼見有幾個客人分別入到餐廳又走返出餐廳，當時大約是2：26至28分左右，後來偷聽到個金髮扎馬尾，口罩間歇性帶落下巴既女待應，用好唔溫柔的語氣同個d之後走返出餐廳外的客人講「未到下午茶時段，依家入座要計午市價錢」。當中有個客更問左聲：「咁即係點呀？即係我要出返去呀？」個客問完嬲爆爆咁出左門口。其實好多餐廳都會俾客人坐到兩點半再落單，我好係好明點解要叫一個坐低左既客，要行返出餐廳等兩點半，只係差2至4分鐘的時間，個客唔嬲既都真係要好好脾氣才有可能。係我打緊呢篇食評既期間，我隔離枱個女士落左單等左成廿分鐘，見野食仲未黎，再追單，然後
到達餐廳門口時為2：20，好尷尬的時間，因為佢門口同時棟左午餐同下午茶兩個餐牌，但下午茶個牌又無寫幾點開始，再望一望價錢，只係差6蚊就算，唔理咩時段照入座。
企左係門口大約一分鐘，無人理會，無人帶位，但店內並不是很忙，甚至可以講是清閒，但d員工行黎行去唔知係度做緊咩。
之後終於有人安排座位，再放低個午市餐牌。我坐係近門口，然後我照叫左個生牛肉河。
係等野食既期間，眼見有幾個客人分別入到餐廳又走返出餐廳，當時大約是2：26至28分左右，後來偷聽到個金髮扎馬尾，口罩間歇性帶落下巴既女待應，用好唔溫柔的語氣同個d之後走返出餐廳外的客人講「未到下午茶時段，依家入座要計午市價錢」。當中有個客更問左聲：「咁即係點呀？即係我要出返去呀？」個客問完嬲爆爆咁出左門口。其實好多餐廳都會俾客人坐到兩點半再落單，我好係好明點解要叫一個坐低左既客，要行返出餐廳等兩點半，只係差2至4分鐘的時間，個客唔嬲既都真係要好好脾氣才有可能。
係我打緊呢篇食評既期間，我隔離枱個女士落左單等左成廿分鐘，見野食仲未黎，再追單，然後又係個位扎馬尾的女待應，離個客兩張枱既距離，企硬係落單部機前，又再次用好唔溫柔既語氣問返個客要食咩？跟住個客問：「咁即係無落單呀？」原本個客話算數的，但突然之間好嬲咁彈起身話「唔要啦！漏單連道歉都無聲」然後就氣沖沖咁走左出門口，我同附近枱的客人都有點嚇親。
講返食物，個生牛河既味道正常的，但唔算出色，應該好多地方都食到。但如果要求有基本有禮服務既朋友，如果黎食之前我建議要做定心理準備。
我終於體會到點解呢間咁多劣評，我心血少，應該無膽再黎食。
生牛河
$58
5 瀏覽
0 讚好
0 留言
張貼
