MX (綠楊坊) (已結業)

今日中午去美心買外賣，唔想食飯餐，見到有喇沙參參香茅豬扒，即係米粉加油麵的組合再加豬扒，湯底係參參醬煮成。睇張相個賣相都唔錯，於是要杯凍奶茶跟餐外賣回家吃。店家把麵料和湯分開盛載，豬扒又另外放於麵盒上，返到屋企先把湯倒回麵條內，咁就唔使驚麵發脹變左軟淋淋，影響口感。喇沙的配料不多，有兩片魚片，幾個豆卜，半隻滷蛋。麵的分量適中，麵爽口，食得飽。湯底的顏色像龍蝦湯，但味道是不夠濃也缺少椰香味，只能說係有喇沙參參的樣子，卻沒有那種馬來食品應有的食味。香茅豬扒炸得脆口，但是香茅味不夠，肉質還算嫩滑不是乾乾硬硬。凍奶茶茶味也不夠，比較淡口。