八海山

營業中

休息中

今日同同事尖沙咀開左成日會, 收工立即搵個地方食野填肚。行到街尾就發現到呢一間日本餐廳。餐廳都幾舊式裝修, 人唔多, 希望唔會中伏。一坐低店員就介紹左一啲空運日本貨，同日本清酒選擇可以飲，我地最後叫左軟殼蟹沙律、雜錦魚生、蒜片牛肉粒、忌廉薯餅、原隻魷魚等最好食係軟殼蟹沙律，沙律菜好新鮮，軟殼蟹炸得香脆。雜錦魚生就唔算好新鮮普普通通啦。蒜片牛肉粒個份量好少, 唔多值依個價。原隻魷魚煮得都ok，新鮮彈牙。店員話佢地多日本人幫襯, 但我眼見都係香港人為主, 同埋真係好少客人, 可能因為野食唔算高質, 係尖沙咀區有大把選擇。