K-Pop snack (已結業)

見出街食飯食到悶悶地，於是上網睇下外送速遞有咩好食，近近地搵左呢間韓式料理店。預早左大概11:15am點餐，約12:00pm就到達指定地點，非常快捷方便。原味炸雞拼甜酸炸雞各半隻-兩款炸雞炸得十分乾身，雞件肉質亦唔夠滑，口感有點鞋。甜酸炸雞味道相對好味。韓式芝士雞蛋卷-醬料有番茄醬及沙律醬，蛋入面夾雜著芝士，味道不錯。海鮮蔥花餅-賣相及味道都一般。牛排骨湯飯-有牛排骨，蘿白同粉絲，味道清清地配飯幾好味。泡菜炒豬肉飯-豬肉夠入味又辣辣地，好味。