澳瑪葡國菜 (已結業)

喺個餐廳訂座平台見到呢間餐廳星期五晚有七五折，即刻book咗。餐廳喺LCX嗰層，有海景位置唔錯。炸馬介休薯球份量還好，有啲偏鹹。叫咗一個有吞拿魚嘅沙律，個沙律都幾夠味啲菜都幾新鮮，可以話係全場最好味嘅一碟。本身想個焗鴨飯，但係賣晒。咁就試咗個葡國蟹粥，其實就真係唔係葡國菜嚟嘅不過就係澳門野囉。個蟹粥都幾鮮味不過有啲偏鹹。仲有個霹靂春雞，冇我想像中咁惹味。不過隻雞都仲算係滑。燒乳豬就真係麻麻哋，雖然個皮好脆但係有一陣好濃嘅豬味。我個人來講頂唔順。服務就唔算話特別好，好多時候都要叫好耐先叫到人。三個人好放肆咁樣嗌左好多嘢食，折實夜晚食咗$780.