火間土 (已結業)

呢日係寶貝的生日，聽講火間土可以望到尖沙咀海景，見佢又心思思想食，雖然包廂貴左少少，但係一年一次唔緊要啦！咁提早一個星期打電話去訂檯...... 下午一點開始打，打左成兩個鐘個電話先通包廂最低消費$650準時七點半入到去, 環境真係唔錯, 包廂唔算窄, 不過座位設計唔係面對面 講番食物, 賣相同味道一般, 不是每種都有驚喜, 可以接受三文魚幾肥美, 切得算厚, 但係個甜蝦真係唔得, 粗過牙籤咁小小(囧), 呢個價錢元氣或者峰壽好過佢雞肉有d"鞋", 但上面層芝士加番分呢個真係好好味呀, 而且算大份, 魚皮脆, 魚肉多汁, 加埋檸檬酸酸地好惹味, 不消5分鐘就KO左燒雞翼, 豬肉串很一般, 雞翼好細隻章魚丸一般, 裡面有芝士架味噌蠔係encore之作, 濃濃的味噌同蠔肉意外地夾, 食完隻蠔仲想刮埋d味噌黎送飯XDDD自問都鐘意芝士焗物, 但呢個飯D芝士真係多得滯, 仲厚過層飯, 食唔到蟹肉味....其實隻碟好薄同唔大碟, 不過實在太漏, 食左一半就放棄 睇食評大家都極力推介, 小妹原來頂唔住鵝肝陣味........ 無福消受最後食埋甜品, 係五款口味的雪糕, 每款用匙羹裝住, 賣相好可愛