阿媽正宗海南鷄 (已結業)

一個人落街搵野食，見到面口餐牌寫住正宗海南雞飯就諗住試下。叫咗個海南雞飯等咗三分鐘就到咗，試咗個雞湯發覺味道唔錯，唔同出面嘅味道，雞油味幾重。跟住就開始試個海南雞啦，賣相幾好，個油飯整到心型咁，試咗舊無點醬嘅雞後發覺味道一般，然後諗住點醬再試，點知發現個辣醬係泰式辣醬，無咩驚喜，再試下個甜醬油，放到入口試得出係似蠔油嘅味道，而蔥油就似燒味店嘅一樣。最後再試下叫咗嘅香芋仙草奶茶，味道幾香，不過無奶茶味。總結個海南雞味道一般，醬汁普普通通，不過不失，雞湯有驚喜，下次可以試下其他雞飯。